भक्ति गाने भगवान राम

भये प्रगट कृपाला दीन दयाला (Bhaye Pragat Kripala Deen Dayala) - Tripti Shakya

GaanaGao2 year ago 857

भए प्रगट कृपाला दीनदयाला,
कौसल्या हितकारी ।
हरषित महतारी, मुनि मन हारी,
अद्भुत रूप बिचारी ॥

लोचन अभिरामा, तनु घनस्यामा,
निज आयुध भुजचारी ।
भूषन बनमाला, नयन बिसाला,
सोभासिंधु खरारी ॥

कह दुइ कर जोरी, अस्तुति तोरी,
केहि बिधि करूं अनंता ।
माया गुन ग्यानातीत अमाना,
वेद पुरान भनंता ॥

करुना सुख सागर, सब गुन आगर,
जेहि गावहिं श्रुति संता ।
सो मम हित लागी, जन अनुरागी,
भयउ प्रगट श्रीकंता ॥

ब्रह्मांड निकाया, निर्मित माया,
रोम रोम प्रति बेद कहै ।
मम उर सो बासी, यह उपहासी,
सुनत धीर मति थिर न रहै ॥

उपजा जब ग्याना, प्रभु मुसुकाना,
चरित बहुत बिधि कीन्ह चहै ।
कहि कथा सुहाई, मातु बुझाई,
जेहि प्रकार सुत प्रेम लहै ॥

माता पुनि बोली, सो मति डोली,
तजहु तात यह रूपा ।
कीजै सिसुलीला, अति प्रियसीला,
यह सुख परम अनूपा ॥

सुनि बचन सुजाना, रोदन ठाना,
होइ बालक सुरभूपा ।
यह चरित जे गावहिं, हरिपद पावहिं,
ते न परहिं भवकूपा ॥

bhae pragaṭ kṛpaalaa diinadayaalaa,
kowsalyaa hitakaarii .
harashit mahataarii, muni man haarii,
adbhut ruup bichaarii ॥

lochan abhiraamaa, tanu ghanasyaamaa,
nij aayudh bhujachaarii .
bhuushan banamaalaa, nayan bisaalaa,
sobhaasindhu kharaarii ॥

kah dui kar jorii, astuti torii,
kehi bidhi karuun anantaa .
maayaa gun gyaanaatiit amaanaa,
ved puraan bhanantaa ॥

karunaa sukh saagar, sab gun aagar,
jehi gaavahin shruti santaa .
so mam hit laagii, jan anuraagii,
bhayau pragaṭ shriikantaa ॥

brahmaanḍ nikaayaa, nirmit maayaa,
rom rom prati bed kahai .
mam ur so baasii, yah upahaasii,
sunat dhiir mati thir n rahai ॥

upajaa jab gyaanaa, prabhu musukaanaa,
charit bahut bidhi kiinh chahai .
kahi kathaa suhaaii, maatu bujhaaii,
jehi prakaar sut prem lahai ॥

maataa puni bolii, so mati ḍolii,
tajahu taat yah ruupaa .
kiijai sisuliilaa, ati priyasiilaa,
yah sukh param anuupaa ॥

suni bachan sujaanaa, rodan ṭhaanaa,
hoi baalak surabhuupaa .
yah charit je gaavahin, haripad paavahin,
te n parahin bhavakuupaa ॥

और भी मनमोहक भजन, आरती, वंदना, चालीसा, स्तुति :-

अगर आपको यह भजन अच्छा लगा हो तो कृपया इसे अन्य लोगो तक साझा करें एवं किसी भी प्रकार के सुझाव के लिए कमेंट करें।

Singer - Tripti Shakya